Lautaro Martinez kom Inter yfir eftir aðeins tvær mínútur, en í seinni hálfleiknum sneri Barcelona leiknum sér í vil. Lokatölur voru 2-1 og skoraði Suarez bæði mörkin.

Suarez hefur ekki raðað inn mörkunum í Meistaradeildinni undanfarin tímbil. Með mörkunum í gær jafnaði hann markafjölda sinn frá síðustu tveimur tímabilum.

Hinn 32 ára gamli Suarez skoraði aðeins eitt mark í 10 leikjum í Meistaradeildinni á síðustu leiktíð og sömuleiðis eitt mark í 10 leikjum tímabilið þar áður.

Það er vonandi fyrir Barcelona að hann skori enn fleiri mörk í Meistaradeildinni á þessu tímabili.