Varnarsinnaði miðjumaðurinn Martin Zubimendi er ofarlega á óskalista Xavi, þjálfara Barcelona, og hefur verið orðaður við félagsskipti næsta sumar þegar samningur hans við Real Sociedad rennur út.
Zubimendi er 23 ára með einn A-landsleik að baki fyrir Spán en hann hefur verið lykilmaður í sterku liði Sociedad undanfarin ár.
„Mér líður mjög vel hjá Real Sociedad og það er bara tímaspursmál hvenær ég skrifa undir nýjan samning," sagði Zubimendi þegar hann var spurður út í möguleg skipti til Barca.
„Vill Xavi fá mig? Ég hugsa ekki einu sinni um það. Ég er einbeittur að Real Sociedad og engu öðru."
Athugasemdir
