Hollendingar eru gríðarlega ánægðir með ungstirni sitt Mohamed Amine Ihattaren, sem er yfirleitt kallaður Mo Ihattaren, því hann samþykkti kallið í hollenska A-landsliðið.
Ihattaren, sem verður 18 ára í febrúar, hefur verið meðal betri leikmanna PSV Eindhoven á leiktíðinni en Hollendingar óttuðust um framtíð hans með landsliðinu því hann er ættaður frá Marokkó og gat valið á milli landsliða.
Ihattaren er miðjumaður og hefur verið lykilmaður í yngri landsliðum Hollands undanfarin ár. Hann gæti komið við sögu með hollenska A-landsliðinu strax í næsta landsleikjahléi sem byrjar eftir næstu helgi.
Hann spilaði sinn fyrsta leik fyrir aðallið PSV síðasta janúar, aðeins 16 ára gamall, og hefur PSV unnið 73% leikja með hann í byrjunarliðinu. Til samanburðar hefur liðið unnið 53% leikja án hans.
Mo made his decision…
— PSV (@PSV) November 3, 2019
Ihattaren will play for 🇳🇱 as a Dutch 🦁! pic.twitter.com/AxakwyOC0x
Athugasemdir