Jafnræði ríkti með liðunum í mjög taktískum leik og að lokum tókst engum að koma knettinum í netið, þó heimamenn hafi fengið betri færi.

Liðin stefna bæði á Evrópusæti í ár og hafa farið þokkalega af stað. Villarreal er með 18 stig eftir 12 umferðir, einu stigi meira en Bilbao.

Villarreal 0 - 0 Athletic Bilbao

Nýliðar Osasuna eru þá komnir upp að hlið Villarreal eftir mjög góðan sigur gegn Alaves í dag. Nýliðarnir gjörsamlega skelltu spútnik liði síðasta árs og unnu 4-2 í afar fjörugum leik þar sem dæmdar voru þrjár vítaspyrnur.

Alaves er aðeins með 12 stig eftir 12 umferðir, sex stigum minna en Osasuna.

Osasuna 4 - 2 Alaves
1-0 Ruben Garcia ('20)
2-0 Chimy Avila ('26)
2-1 Victor Laguardia ('27)
3-1 Roberto Torres ('45, víti)
3-2 Lucas Perez ('51, víti)
4-2 Juan Villar ('55, víti)

Real Valladolid er þá einu stigi á eftir Osasuna eftir 3-0 sigur á nýliðum Mallorca.

Jafnræði ríkti með liðunum en heimamenn nýttu færin sín betur enda með meiri gæði í framlínunni.

Real Valladolid 3 - 0 Mallorca
1-0 Joaquin Fernandez ('40)
2-0 Enes Unal ('50, víti)
3-0 Sandro Ramirez ('94)

Þess má geta að staðan í spænsku deildinni er ótrúlega jöfn og eins og staðan er núna þá skilja aðeins fimm stig topplið Barcelona að frá Valencia sem situr í 12. sæti.