banner
   sun 03. desember 2017 14:00
Guðmundur Aðalsteinn Ásgeirsson
Koeman þarf að jafna sig fyrst
Mynd: Getty Images
Ronald Koeman var rekinn frá Everton þann 23. október síðastliðinn eftir slaka byrjun á tímabilinu.

Koeman er enn atvinnulaus, en það er ekki vegna áhugaleysis á honum. Mikil eftirspurn er eftir kröftum hans. Hann mun þó taka þann tíma sem hann þarf áður en hann snýr aftur.

„Ég byrjaði á einhverju hjá Everton sem ég villdi klára á góðan hátt. Þess vegna varð ég gríðarlega vonsvikinn. Ég verð samt að vera raunsær," sagði Koeman við Liverpool Echo.

„Ég þarf að komast yfir þessi vonbrigði áður en ég byrja á einhverju nýju. Þess vegna hef ég ekki tekið neinu tilboði."

„Ég hef fengið tilboð frá tveimur úrvalsdeildarliðum og frá nokkrum liðum annars staðar í Evrópu."


Athugasemdir
banner
banner
banner