Championship: Jafnt í toppslagnum

Það fór fram stórslagur í ensku Championship-deildinni í kvöld er Fulham og Bournemouth áttust við á heimavelli þess fyrrnefnda.

Fyrir leikinn var Fulham á toppnum með 43 stig, aðeins einu stigi á undan Bournemouth sem var í því öðru.

Leiknum í kvöld lauk með 1-1 jafntefli og voru bæði liðin að gera sitt þriðja jafntefli í röð og eru því í töluverðri lægð þessa dagana.

Fulham er enn á toppnum með 44 stig, stigi á undan Bournemouth. QPR er í þriðja sætinu með 35 stig.