Ítalski stjórinn Antonio Conte var afar hrifinn af frammistöðu Oliver Skipp í 2-0 sigri Tottenham Hotspur á Brentford í ensku úrvalsdeildinni í gær.
Enski miðjumaðurinn hefur fjórum sinnum verið í byrjunarliði Tottenham undir stjórn Conte og hefur stjórinn mikla trú á þessum 21 árs gamla leikmanni.
Hann hrósaði honum sérstaklega eftir frammistöðuna gegn Brentford í gær.
„Skipp spilaði mjög vel í þessum leik. Hann er mjög ungur og það er nóg svigrúm til að bæta sig. Hann spilaði af ástríðu, með hjartanu og sálinni," sagði Conte.
„Hann spilaði vel í dag og ég held að ég geti bætt hann mikið, bæði tæknilega og í að halda bolta," sagði hann ennfremur.
Athugasemdir