Fjórum leikjum var að ljúka í ensku úrvalsdeildinni. Það var háspenna!
Liverpool 4 - 3 Fulham
0-1 Bernd Leno ('20 , sjálfsmark)
1-1 Harry Wilson ('24 )
2-1 Alexis MacAllister ('38 )
2-2 Kenny Tete ('45 )
2-3 Bobby Decordova-Reid ('80 )
3-3 Wataru Endo ('87 )
4-3 Trent Alexander-Arnold ('88)
Leikur Liverpool og Fulham var hreinlega magnaður. Trent Alexander-Arnold kom Liverpool yfir með hreint frábæru aukaspyrnumarki en það skráist sem sjálfsmark á markvörðinn Bernd Leno þar sem boltinn fór í bakið á honum og inn. Harry Wilson jafnaði gegn sínu fyrrum félagi í 1-1. Alexis Mac Allister kom Liverpool aftur í forystuna með sínu fyrsta marki fyrir félagið. En fyrir hálfleik jafnaði Fulham aftur, að þessu sinni Kenny Tete.
Bobby Decordova-Reid kom Fulham yfir í fyrsta sinn í leiknum þegar tíu mínútur voru eftir. Hann skallaði þá boltann í netið en Kostas Tsimikas varnarmaður Liverpool var sekur um afskaplega dapran varnarleik.
Þá var komið að Japananum Wataru Endo að skora sitt fyrsta mark í ensku úrvalsdeildinni. Hann jafnaði 3-3 með hnitmiðuðu skoti úr D-boganum. Það var svo Trent Alexander-Arnold sem kom Liverpool aftur yfir aðeins nokkrum sekúndum síðar. Hann skoraði með þéttingsföstu skoti frá vítateigsendanum. Sigurmark leiksins.
Liverpool, sem hefur leikið nítján deildarleiki í röð á Anfield án þess að tapa, er sem stendur í öðru sæti en Fulham í því fjórtánda.
Chelsea 3 - 2 Brighton
1-0 Enzo Fernandez ('17 )
2-0 Levi Colwill ('21 )
2-1 Facundo Valentin Buonanotte ('43 )
3-1 Enzo Fernandez ('65 , víti)
3-2 Joao Pedro ('90 )
Rautt spjald: Conor Gallagher, Chelsea ('45)
Argentínumaðurinn Enzo Fernandez skoraði sín fyrstu úrvalsdeildarmörk þegar Chelsea vann Brighton. Chelsea lék allan seinni hálfleikinn manni færri eftir að Conor Gallagher var sendur í sturtu eftir að hafa fengið sitt annað gula spjald.
Leikmenn Chelsea sýndu karakter, þjöppuðu sér saman og fögnuðu að lokum sigri þrátt fyrir mikla pressu frá Brighton í lokin. Pedro náði að minnka muninn í 3-2 og Brighton fékk vítaspyrnu í uppbótartíma en dómurinn dreginn til baka eftir VAR skoðun.
Chelsea fór upp á efra skiltið með sigrinum, komst upp í tíunda sæti, en Brighton situr í því áttunda.
Bournemouth 2 - 2 Aston Villa
1-0 Antoine Semenyo ('10 )
1-1 Leon Bailey ('20 )
2-1 Dominic Solanke ('52 )
2-2 Ollie Watkins ('90 )
Ollie Watkins skoraði með skalla í lokin og bjargaði stigi fyrir Aston Villa í dramatískum leik gegn Bournemouth. Heimamenn voru nálægt því að landa stigunum þremur. Bournemouth er í sextánda sæti en Villa í því fjórða.
West Ham 1 - 1 Crystal Palace
1-0 Mohammed Kudus ('13 )
1-1 Odsonne Edouard ('53 )
West Ham var yfir gegn Palace í hálfleik en gestirnir jöfnuðu í seinni hálfleik og liðin skiptu stigunum á milli sín. West Ham er í níunda sæti en Crystal Palace í því tólfta.
Stöðutaflan
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 22 | 15 | 5 | 2 | 40 | 14 | +26 | 50 |
| 2 | Man City | 22 | 13 | 4 | 5 | 45 | 21 | +24 | 43 |
| 3 | Aston Villa | 22 | 13 | 4 | 5 | 33 | 25 | +8 | 43 |
| 4 | Liverpool | 22 | 10 | 6 | 6 | 33 | 29 | +4 | 36 |
| 5 | Man Utd | 22 | 9 | 8 | 5 | 38 | 32 | +6 | 35 |
| 6 | Chelsea | 22 | 9 | 7 | 6 | 36 | 24 | +12 | 34 |
| 7 | Brentford | 22 | 10 | 3 | 9 | 35 | 30 | +5 | 33 |
| 8 | Newcastle | 22 | 9 | 6 | 7 | 32 | 27 | +5 | 33 |
| 9 | Sunderland | 22 | 8 | 9 | 5 | 23 | 23 | 0 | 33 |
| 10 | Everton | 22 | 9 | 5 | 8 | 24 | 25 | -1 | 32 |
| 11 | Fulham | 22 | 9 | 4 | 9 | 30 | 31 | -1 | 31 |
| 12 | Brighton | 22 | 7 | 9 | 6 | 32 | 29 | +3 | 30 |
| 13 | Crystal Palace | 22 | 7 | 7 | 8 | 23 | 25 | -2 | 28 |
| 14 | Tottenham | 22 | 7 | 6 | 9 | 31 | 29 | +2 | 27 |
| 15 | Bournemouth | 22 | 6 | 9 | 7 | 35 | 41 | -6 | 27 |
| 16 | Leeds | 22 | 6 | 7 | 9 | 30 | 37 | -7 | 25 |
| 17 | Nott. Forest | 22 | 6 | 4 | 12 | 21 | 34 | -13 | 22 |
| 18 | West Ham | 22 | 4 | 5 | 13 | 24 | 44 | -20 | 17 |
| 19 | Burnley | 22 | 3 | 5 | 14 | 23 | 42 | -19 | 14 |
| 20 | Wolves | 22 | 1 | 5 | 16 | 15 | 41 | -26 | 8 |
Athugasemdir




