Atletico Madrid tók á móti Getafe í spænska boltanum í dag og var ekki mikið um opin marktækifæri en heimamenn í Atletico voru með yfirhöndina.
Fyrsta mark leiksins leit ekki dagsins ljós fyrr en á 60. mínútu en flögguð rangstæða. Angel Correa, sem setti boltann í netið, var skipt af velli í sömu andrá og rangstæðan var dæmd. Hann gekk því niðurlútur að varamannabekknum en skömmu síðar voru liðsfélagarnir allir mættir til að fagna markinu með honum eftir inngrip frá VAR sem sagði rangstöðudóminn ekki vera réttmætan.
Atletico var því búið að taka forystuna og þá þurftu gestirnir að vakna til lífsins, sem þeir gerðu og uppskáru vítaspyrnu á 83. mínútu. Enes Unal skoraði af vítapunktinum og bjargaði þar með dýrmætu stigi í fallbaráttunni.
Atletico er áfram í fjórða sæti og þökk sé úrslitum úr öðrum leikjum græddi liðið eitt stig á næstu keppinauta fyrir aftan sig sem töpuðu í dag. Atletico er því með fjögurra stiga forystu í síðasta Meistaradeildarsætinu, en heilum 15 stigum eftir toppliði Barcelona sem á leik til góða.
Atletico Madrid 1 - 1 Getafe
1-0 Angel Correa ('60)
1-1 Enes Unal ('83)
Í seinni leik kvöldsins áttust Real Betis og Celta Vigo við í leik sem reyndist hin mesta skemmtun og endaði með sjö mörkum.
Staðan var jöfn, 2-2, eftir fyrri hálfleikinn þar sem heimamenn í Betis voru með yfirburði en færanýting gestanna frá Vigo var ótrúlega góð og hélt áfram í síðari hálfleik.
Staðan var orðin 2-4 og lögðu heimamenn alla sína krafta í sóknarleikinn. Nabil Fekir minnkaði muninn úr vítaspyrnu á lokakaflanum og var gríðarlega mikill hiti í uppbótartímanum sem entist í þrettán mínútur og bauð uppá rautt spjald - en ekkert jöfnunarmark.
Norðmaðurinn Jörgen Strand Larsen skoraði og lagði upp fyrir Celta á meðan Gabriel Veiga skoraði tvennu og gerði Joseph Aidoo eitt.
Frábær sigur hjá Celta sem var að vinna annan leikinn sinn í röð og er búið að rífa sig burtu frá fallsvæðinu. Celta er um miðja deild með 23 stig eftir 20 umferðir á meðan Betis er í Evrópubaráttu með 31 stig.
Betis 3 - 4 Celta
0-1 Jorgen Strand Larsen ('6 )
1-1 Juanmi ('9 )
2-1 Sergio Canales ('23 )
2-2 Gabriel Veiga ('42 )
2-3 Gabriel Veiga ('56 )
2-4 Joseph Aidoo ('69 )
3-4 Nabil Fekir ('84 , víti)
Rautt spjald: Luiz Felipe, Betis ('90)
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Real Madrid | 24 | 19 | 3 | 2 | 53 | 19 | +34 | 60 |
| 2 | Barcelona | 23 | 19 | 1 | 3 | 63 | 23 | +40 | 58 |
| 3 | Villarreal | 23 | 14 | 3 | 6 | 44 | 26 | +18 | 45 |
| 4 | Atletico Madrid | 24 | 13 | 6 | 5 | 38 | 21 | +17 | 45 |
| 5 | Betis | 23 | 10 | 8 | 5 | 37 | 28 | +9 | 38 |
| 6 | Espanyol | 24 | 10 | 5 | 9 | 29 | 33 | -4 | 35 |
| 7 | Celta | 24 | 8 | 10 | 6 | 32 | 27 | +5 | 34 |
| 8 | Real Sociedad | 24 | 8 | 7 | 9 | 34 | 35 | -1 | 31 |
| 9 | Athletic | 24 | 9 | 4 | 11 | 27 | 34 | -7 | 31 |
| 10 | Osasuna | 24 | 8 | 6 | 10 | 28 | 28 | 0 | 30 |
| 11 | Getafe | 24 | 8 | 5 | 11 | 20 | 28 | -8 | 29 |
| 12 | Sevilla | 24 | 7 | 5 | 12 | 31 | 39 | -8 | 26 |
| 13 | Alaves | 24 | 7 | 5 | 12 | 21 | 30 | -9 | 26 |
| 14 | Girona | 23 | 6 | 8 | 9 | 22 | 37 | -15 | 26 |
| 15 | Elche | 24 | 5 | 10 | 9 | 31 | 35 | -4 | 25 |
| 16 | Vallecano | 23 | 6 | 7 | 10 | 21 | 30 | -9 | 25 |
| 17 | Mallorca | 23 | 6 | 6 | 11 | 28 | 37 | -9 | 24 |
| 18 | Valencia | 23 | 5 | 8 | 10 | 23 | 37 | -14 | 23 |
| 19 | Levante | 22 | 4 | 6 | 12 | 26 | 38 | -12 | 18 |
| 20 | Oviedo | 23 | 3 | 7 | 13 | 13 | 36 | -23 | 16 |
