Championship: Burnley vann og hélt hreinu níunda leikinn í röð - Colback hetja QPR

Scott Parker og lærisveinar hans í Burnley hafa sannað sig sem langbesta varnarlið deildarinnar.

Liðið hefur aðeins fengið á sig níu mörk í 31 leik á tímabilinu og haldið hreinu í 21 leik.

Í kvöld hélt liðið hreinu níunda leikinn í röð og tókst að vinna leikinn með hjálpð Michal Helik, leikmanns Oxford, sem skoraði sjálfsmark á 33. mínútu.

Burnley er komið upp í 2. sæti deildarinnar með 61 stig, nú tveimur frá toppnum.

QPR vann á meðan Blackburn Rovers, 2-1. Michael Frey kom heimamönnum yfir á 5. mínútu en Tyrhys Dolan jafnaði á 53. mínútu úr vítaspyrnu eftir að Callum Brittain var tekinn niður í teignum.

Englendingurinn Jack Colback gerði sigurmarkið þegar stundarfjórðungur var eftir af leiknum.

Blackburn er í 5. sæti með 45 stig en QPR í 13. sæti með 41 stig.

Arnór Sigurðsson var ekki með Blackburn Rovers, en hann er að snúa til baka úr meiðslum og ætti bráðlega að vera klár í slaginn.

Burnley 1 - 0 Oxford United
1-0 Michal Helik ('33 , sjálfsmark)

QPR 2 - 1 Blackburn
1-0 Michael Frey ('5 )
1-1 Tyrhys Dolan ('53 , víti)
2-1 Jack Colback ('76 )