Hlín við hlið Ólafar Sigríðar á landsliðsæfingu.
'Ég hefði kannski viljað ógna markinu hjá mótherjunum aðeins meira, set þá kröfu á mig sem sóknarmann, en mér finnst ég hafa nýst liðinu ágætlega'
Hlín fagnar marki Íslands í sigri gegn Wales.
„Þetta leggst mjög vel í mig. Ég persónulega er í mjög góðu standi, er búin að spila mikið, búin að vera skora og er með sjálfstraust. Mér sýnist þær vera með hörkuleik, en eru alveg með sína veikleika og ég held að við getum notfært okkur það," sagði Hlín Eiríksdóttir í viðtali við Fótbolta.net í gær.
Framundan er landsleikur gegn Póllandi sem fram fer á morgun. Leikurinn hefst klukkan 16:45 og fer fram á Kópavogsvelli.
Leikurinn er fyrsti leikur í undankeppni EM.
Framundan er landsleikur gegn Póllandi sem fram fer á morgun. Leikurinn hefst klukkan 16:45 og fer fram á Kópavogsvelli.
Leikurinn er fyrsti leikur í undankeppni EM.
Er einhver augljós veikleiki?
„Nei, það er kannski ekkert eitt. En varnarleikurinn þeirra er að mínu mati pínulítið sérstakur, spila eiginlega bara maður á mann í vörn sem getur verið styrkleiki eða veikleiki - fer eftir því hvernig við nýtum það."
„Vonandi getum við nýtt það sem veikleika hjá þeim."
Líkamlegi styrkurinn nýtist vel í framlínunni
Hlín hefur talsvert spilað fremst á vellinum með landsliðinu eftir að hafa lengst af spilað sem kantmaður á sínum ferli.
„Það er bara gaman, mér finnst ég hafa nýtt mín tækifæri þar ágætlega. Það er nýtt fyrir mig að spila frammi. Ég hefði kannski viljað ógna markinu hjá mótherjunum aðeins meira, set þá kröfu á mig sem sóknarmann, en mér finnst ég hafa nýst liðinu ágætlega og held að þjálfararnir séu bara nokkuð sáttir og við byggjum ofan á það."
„Að spila frammi er svolítið öðruvísi, en mér finnst ég vera með styrkleika sem ég get nýtt þar, ég er frekar sterk líkamlega og finnst ég hafa gert ágætlega í 'target' spili. Að sjálfsögðu er ég vanari að spila á kantinum og er meira að hlaupa með og án bolta á kantinum. Það er gaman að geta leyst báðar stöður."
Þessi líkamlegi styrkur, er þetta náttúrulegt eða eru þetta þrotlausar æfingar að skila sér?
„Ætli það sé ekki bara bæði. Ég hef lagt mikið á mig, og ég held að við gerum það allar, til að bæta líkamlegan styrk. Síðan erum við kannski mismunandi byggðar. Ég á auðvelt með að bæta á mig vöðvamassa. Það er gott að geta nýtt það á vellinum."
Ertu að spila sömu stöðu, frammi, hjá Kristianstad?
„Ég spila meira á kantinum þar, við spilum með tvo framherja og ég er annar af þeim, en útgangspunkturinn er mjög breitt, þannig ég myndi segja það sé töluvert öðruvísi, en einn af framherjunum engu að síður," sagði Hlín.
Í viðtalinu ræðir hún um Kristianstad og Guðnýju Árnadóttur sem gekk í raðir félagsins fyrr á þessu ári.
Hægt er að horfa á viðtalið í spilaranum efst.
Athugasemdir
