Stam fór í þjálfun eftir frábæran feril en hann hefur þjálfað PEC Zwolle, unginga- og varalið Ajax, Reading og síðast Feyenoord.

Hann hefur verið í viðræðum við FC Cincinnati í MLS-deildinni en viðræðurnar eru í biðstöðu vegna kórónaveirunnar. Stam er spenntur fyrir tækifærinu að þjálfa í Bandaríkjunum.

„Það er möguleiki. Áhuginn er til staðar og það hafa átt sér stað viðræður. Þetta er í biðstöðu eins og er vegna ástandsins í heiminum. Við verðum að bíða og sjá hvað gerist," sagði Stam við Goal.com.

„Deildin er áhugaverð og það er félagið líka. Þannig þetta lítur vel út en ég get ekki sagt til um hvað gerist," sagði hann í lokin.