Valur vann KA 3-1 í 12. umferð Pepsí Max-deildar karla á Origo vellinum í kvöld. Ólafur Jóhannesson þjálfari Vals fannst liðið spila vel í kvöld og eiga sigurinn skilið.
Lestu um leikinn: Valur 3 - 1 KA
„Ég er bara sáttur, við spiluðum hérna fínan leik og uppskárum þrjú stig, ég fagna því. Mér fannst við halda boltanum vel, það var gott tempó á boltanum og sköpuðum okkur fullt af færum. Ég er heilt yfir mjög sáttur með leikinn."
Patrick Pedersen er kominn aftur í Val og skoraði fyrsta mark leiksins auk þess að leggja upp hin tvö. Óli fagnar endurkomu hans en sagði að fleiri leikmenn hefðu spilað mjög vel.
„Það er bara mjög gott, Patrick er frábær fótboltamaður og við þekkjum það og það er mikið ánægjuefni að fá hann. Það voru fleiri menn sem voru að spila virkilega vel líka."
Valur er að fara í Evrópuleik við Maribor og Óli segir að staðan á hópnum fyrir þann leik sé góð.
„Ég held að staðan sé nokkuð góð, Birkir þurfti að fara útaf i hálfleik, það var smá vesen á honum. Annars held ég að staðan sé heilt yfir mjög góð."
Athugasemdir