Lestu um leikinn: Valur 3 -  1 KA

„Stundum í þessu starfi verður maður bara að viðurkenna það að við áttum ekki séns. Við héldum vel í við þá í fyrri hálfleik og hugsanlega hefðum við getað nýtt okkar sénsa betur. Þegar þeir finna taktinn og við föllum og verðum þungir áttum við ekki séns."

KA er búið að tapa þrem leikjum í röð og Óli viðurkennir að hann er farinn að hafa áhyggjur af spilamennsku liðsins.

„Ég reyni að horfa í það sem við gerum inná vellinum og ég hef áhyggjur núna, við erum búnir að fá á okkur 10 mörk í þremur leikjum sem er ólíkt okkur. Það er okkar þjálfarana að finna lausn á því."

Aðspurður hvort KA ætli að styrkja sig í félagsskiptaglugganum sagði Óli að það væri ekkert í hendi og var heldur fúll með spurninguna.

„Þetta er eiginlega spurning sem ég er farinn að fá í hverju einasta viðtali og það er alltaf sama svarið. Við erum ánægðir með okkar hóp og það er ekkert sem við erum að skoða í þeim málum og við ætlum bara að vinna með það sem við höfum byrjað með frá upphafi."