Valur vann KA 3-1 í 12. umferð Pepsí Max-deildar karla á Origo vellinum í kvöld. Patrick Pedersen er kominn aftur í Val og skoraði fyrsta mark leiksins auk þess að leggja upp hin tvö. Patrick er mjög ánægður með að vera kominn aftur og ánægður með stigin þrjú.
Lestu um leikinn: Valur 3 - 1 KA
„Það er frábært að vera kominn heim aftur, þetta er mitt annað heimili og mér líður vel hér. Ég er ánægður að vera kominn aftur og frábært að ná þrem mikilvægum stigum. Ég hef ekki spilað í einn og hálfan mánuð, ég var þreyttur í fyrri hálfleik en seinni hálfleikur var betri hjá mér."
Patrick sagði að honum hefði ekki liðið vel hja Sheriff og það hafi verið auðvelt val að koma aftur í Val.
„Ég veit það ekki alveg, Sheriff var ekki staðurinn fyrir mig og Valur hafði samband við umboðsmann minn og það var auðvelt val að koma aftur."
Patrick sagðist hafa verið hissa á gengi liðsins i upphafi en telur að þeir séu komnir á skrið núna.
„Ég var svolítið hissa á genginu en þeir voru með marga nýja leikmenn og nú er liðið komið aftur á skrið. Ég skrifaði undir 4 ára samning og er bara að hugsa um að vera hér í Val næstu árin."
Athugasemdir