Í dag var dregið í undankeppni Meistaradeildar UEFA í Futsal og var dregið í höfuðstöðvum UEFA í Nyon.
Íslandsmeistararnir í Vængjum Júpíters voru í pottinum og bíður þeirra nokkuð langt ferðalag þar sem þeir munu leika riðil sinn á Kýpur.
Auk gestgjafanna í Omnonia Nicosia, verða í riðlinum Pinerola Brastislava frá Slóvakíu og Gazi Üniversitesi frá Tyrklandi.
Riðillinn verður leikinn 27. ágúst til 1. september og mun sigurvegari riðilsins komast áfram í keppninni.
Vængirnir fóru einnig í Meistaradeildina í Futsal í fyrra en þá spiluðu þeir í Svíþjóð.
Vegna þátttöku Vængjanna í Meistaradeildini í Futsal þá hefur leikur liðsins gegn Augnabliki í 19. umferðinni í 3. deildinni verið færður til 3. september.
Í dag var dregið í Meistaradeildinni í Futsal, @UEFAFutsal
— Vængir Júpíters (@FCvaengir) July 4, 2019
Andstæðingar okkar verða:
🇸🇰Pinerola Brastislava
🇨🇾 Omonia Nicosia
🇹🇷 Gazi Üniversitesi
Leikið verður á Kýpur síðustu vikuna í ágúst.
Áfram Vængir!
Athugasemdir