Ágúst Gylfason þjálfari Stjörnunnar náði í 1-1 jafntefli á útivelli gegn FH í kvöld. Stjarnan jafnaði á lokamínútum leiksins og hefði mögulega getað tekið sigurinn úr færunum sem þeir fengu í lok leiks.
Lestu um leikinn: FH 1 - 1 Stjarnan
„Skemmtilegar síðustu 10 en leiðinlegt fram að því fannst mér. Bæði lið voru í erfiðleikum í 80 mínútur, við áttuðum okkur á því að við vorum að fara tapa þessum leik hérna í lokin. FH leiddi með einu marki eftir fast leikatriði og þá áttuðu menn sig á því og við keyrðum þetta í gang og uppskárum eitt stig og fullt fullt af færum, stangaskot og þetta hefði alveg getað dottið okkar megin en við tökum þetta eina stig. Þannig horfði ég á leikinn."
Það var mikið af feilsendingum og gæðaleysi oft á tíðum í þessum leik og liðin áttu erfitt með að spila sinn leik.
„Bæði lið vilja spila boltanum en það var lítið um það þetta var mikið af háloftaspyrnum og við náðum ekki okkar leik sem við erum vanir að gera fyrr en á 80. mínútu þá fórum við að sækja hratt á þá og uppskárum góð færi. Þannig að það var svona hvernig ég horfði á leikinn heilt yfir."
Viðtalið má sjá í heild sinni í spilaranum hér fyrir ofan þar tala Ágúst nánar um komandi leiki.
