KA og Valur skildu jöfn 1-1 í elleftu umferð Bestu deildarinnar á Akureyri í kvöld. Valur var heppið að ná stigi einum færri síðustu 20 mínúturnar.
Lestu um leikinn: KA 1 - 1 Valur
Fótbolti.net ræddi við Heimi Guðjónsson þjálfara Vals eftir leikinn. Hvernig er tilfinningin?
„Beggja blands, mér fannst við hafa góð tök á þessum leik, komumst sanngjarnt yfir. Gerum mistök sem eru þess valdandi að við missum mann af velli."
„KA eru með gott lið og þeir elfdust við það og á endanum getum við verið nokkuð heppnir að sleppa með jafnteflið," sagði Heimir.
Guðmundur Andri Tryggvason fékk að líta rauða spjaldið í stöðunni 1-0 þegar hann sló til Kristijan Jajalo í marki KA. Heimir treystir því að Erlendur dómari hafi dæmt rétt.
„Hann danglar eitthvað í Jajalo, Elli var vel staðsettur og hann var alveg öruggur á þessari ákvörðun."
