Lestu um leikinn: Ísland 1 -  1 Tékkland

Jafntefli dugar okkur ekki í umspil og niðurstaðan vonbrigði
"Já við ætluðum okkur miklu meira og ætluðum okkur að vinna þennan leik og það tókst ekki í dag. Það er mjög svekkjandi"

Ísland byrjaði leikinn mjög vel og fengu nokkur færi þangað til þær skoruðu. Hvað fannst þér klikka eftir það?

"Ég veit ekki hvort að það hafi eitthvað sett okkur út af laginu. Það getur vel verið. Mér fannst við samt ná að heimta aftur okkar krafta í seinni hálfleik og pressuðum vel á þær. Hefðum alveg getað sett mark eða mörk. Við vorum bara óheppnar. "

Ísland fékk víti til að vinna leikinn á lokamínútunni. Hvernig er að vera svona ótrúlega nálægt þessu?
"Algjörlega. Sara fór á punktinn og ég meina hún er það sterk að hún tekur þessu alveg. Svona er þetta bara stundum. Boltinn fer ekki inn!"
Í fyrri hálfleik var brotið á Elínu. Henni fannst það vera víti. " Já ég hérna reyni að framhjá markmanninum og mér finnst hún bara fara í mig þannig að ég myndi segja að þetta væri víti."

Það hefði getað breytt gangi leiksins ansi mikið "Já tvímælalaust. Það er stutt á milli í þessu".

Var eitthvað sem kom ykkur á óvart í leik þeirra? "Nei við höfum spilað á móti þeim áður. Það var búið að leikgreina þær vel og vissum alveg í hvaða svæði við áttum að leita. Við vissum að þær væru alveg að fara berjast og þær gerðu það svo það var ekkert sérstakt sem kom á óvart".

Nánar er rætt um leikinn við Elínu í spilaranum að ofan.