Ísland gerði 1-1 jafntefli við Tékkland í lokaleik undankeppni HM 2019. Glódís átti góðan leik í vörn Íslands og jafnaði leikinn á síðustu mínútum leiksins.
Lestu um leikinn: Ísland 1 - 1 Tékkland
Jafntefli dugði hinsvegar ekki í dag og niðurstaðan gífurleg vonbrigði
"Já þetta er auðvitað gríðarlega svekkjandi. Við náðum ekki markmiðinu sem við settum okkur og ætluðum okkur sigur hér í dag og koma okkur í umspil en náðum því ekki í dag. Það er náttúrulega gríðarlega svekkjandi og ömurleg tilfinning."
Komu þær ykkur á óvart?
"Nei við vissum alveg hvernig þær myndu spila og þær myndu koma hratt á okkur. Í rauninni ekkert sem kom okkur á óvart. Við þurftum bara átt að ná upp betra spili á köflum og klára þau færi sem við fáum í svona mikilvægum leik. En hérna þetta féll ekki með okkur í dag og það er ógeðslega svekkjandi."
Hvað fannst þér helst klikka hjá ykkur?
"Við náum ekki upp almennilegum spilköflum og svo fáum á okkur skítamark í byrjun leiks sem gerir okkur erfiðara fyrir. Við fáum samt alveg einhver færi. Kannski alveg jafn leikur þannig lagað en hefðum getað klárað þetta þannig að þetta er ótrúlega svekkjandi."
Hvað finnst þér um brotið á Elínu í fyrri hálfleik?
"Klárt víti. Enginn spurning um það"
Hvað tekur svo við?
"Bara aftur út til Svíþjóðar í deildinni. Og læra af þessu og gleyma þessu".
Nánar er rætt við Glódísi í spilaranum hér að ofan.
Athugasemdir