Grace Rapp.
Grace Rapp, leikmaður nýkrýndra bikarmeistara Selfoss í knattspyrnu, hefur samið við franska úrvalsdeildarliðið Stade de Reims og mun því ekki leika fleiri leiki með Selfyssingum í sumar en þetta kemur fram á Sunnlenska.is.
Rapp er bandarískur sóknarmaður en hún kom til Selfyssinga um mitt sumar í fyrra.
Rapp hefur verið í lykilhlutverki hjá Selfyssingum síðan þá en hún hefur spilað alla fimmtán leiki liðsins í Pepsi Max-deildinni og skorað fjögur mörk. Þá skoraði hún þrjú mörk í fjórum leikjum í leið Selfyssinga í átt að Mjólkurbikarnum.
Stade de Reims er nýliði í frönsku úrvalsdeildinni en liðið hefur leikið í neðri deildum undanfarin ár. Félagið var sigursælt á árum áður og varð meðal annars franskur meistari fimm sinnum á árunum 1975-1982.
Einni umferð er lokið í frönsku úrvalsdeildinni en Grace fær verðugt verkefni í sínum fyrsta leik fyrir félagið sem mætir Evrópumeisturum Lyon um næstu helgi.
Selfoss er í 3. sæti í Pepsi Max-deild kvenna en þrjár umferðir eru eftir af deildinni.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
