Gylfi Þór Sigurðsson spjallaði við Fótbolta.net og 433.is fyrir landsliðsæfingu í dag. Gylfi byrjaði á því að ræða um Everton og startið á tímabilinu.
„Byrjunin er fín. Leikurinn gegn Aston Villa og jafnteflið gegn Crystal Palace voru auðvitað vonbrigði en þetta er upp á við. Það er jákvætt," segir Gylfi.
„Þetta hefur verið í rétta átt. Í fyrstu þremur leikjunum var varnarleikurinn fínn en við vorum ekki að skora nægilega mikið. Síðan skoruðum við þrjú gegn Wolves en fengum tvö á okkur. Þetta er upp og niður."
Í viðtalinu er rætt um Moise Kean sem kom frá Juventus en Gylfi segir að sóknarmaðurinn ungi þurfi að fá smá tíma til að aðlagast.
„Moise Kean kemur frá Ítalíu og fyrsti byrjunarliðsleikurinn var Lincoln á útivelli. Hann þarf aðeins að venjast enska fótboltanum en hann er mjög góður leikmaður og það mun ekki taka langan tíma held ég."
Sjáðu viðtalið hér að ofan en þar tjáir Gylfi sig um markmið Everton og komandi landsleiki.
Athugasemdir