Aymeric Laporte, varnarmaður Manchester City, verður mögulega ekkert meira með liðinu á þessu ári.
Laporte meiddist á hné í 4-0 sigrinum á Brighton um helgina og var borinn af velli. Frakkinn fór í gær í aðgerð í Barcelona hjá hinum þekkta Dr Ramon Cugat.
Manchester City staðfesti í dag að aðgerðin hefði gengið vel en gaf ekkert út um það hvenær Laporte verður klár í slaginn á nýjan leik.
Samkvæmt fréttum frá Englandi er hins vegar tvísýnt hvort Laporte verði klár fyrir áramót og það er mikið áfall fyrir Manchester City.
Laporte hefur verið lykilmaður í vörn City en liðið mun nú treysta á að John Stones og Nicolas Otamendi spili í hjarta varnarinnar sem og miðjumaðurinn Fernandinho.
I will come back soon and stronger! 💪🇫🇷🦈https://t.co/y3794Yw8pd pic.twitter.com/DCuWiJCMWe
— Aymeric Laporte (@Laporte) September 4, 2019
Athugasemdir