Rúnar Alex hefur verið varamarkvörður hjá íslenska landsliðinu undanfarin ár á meðan Hannes Þór Halldórsson hefur verið aðalmarkvörður. Er Rúnar Alex bjartsýnn á að fá tækifæri í komandi verkefnum?

„Ég kem alltaf með sama hugarfar inn í landsliðsverkefni og það er að spila. Þjálfararnir velja síðan hverjir spila."

Rúnar Alex er fastamaður í liði Dijon sem hefur byrjað illa í frönsku úrvalsdeildinni á þessu tímabili.

„Við erum án stiga, búnir að skora eitt mark og fá okkur sex eða sjö. Þetta er ekki sérstök byrjun. Við höfum misst 11-12 leikmenn og þar af 7-8 úr byrjunarliðinu í fyrra. Við erum að pússla saman nýju liði og þetta tekur tíma. Það er ekkert panik ennþá en við þurfum að fara að safna stigum."

Hér að ofan má sjá viðtalið í heild sinni en þar tjáir Rúnar Alex sig meðal annars um aukna samkeppni um markvarðarstöðuna hjá Dijon.