„Það er draumur að fá kallið aftur," segir Samúel Kári Friðjónsson, leikmaður Viking í Stafangri og íslenska landsliðsins. Samúel er í landsliðshópnum sem mætir Moldóvu og Albaníu.
Samúel spilar miðjuna úti en hefur verið notaður sem bakvörður hjá landsliðinu. Hvort lítur hann á sig sem miðjumann eða hægri bakvörð þegar hann kemur í landsliðsverkefni?
Samúel spilar miðjuna úti en hefur verið notaður sem bakvörður hjá landsliðinu. Hvort lítur hann á sig sem miðjumann eða hægri bakvörð þegar hann kemur í landsliðsverkefni?
„Það er góð spurning, ég er að spila miðjuna úti og svo hef ég verið 'covera' bakvörðinn hérna. Það er allt opið," segir Samúel.
Samúel er hjá Viking á lánssamningi hjá Vålerenga en í lok ágúst bárust tilboð frá rússneskum félögum.
„Það komu tvö tilboð frá Rússlandi og eitt frá Skandinavíu. Það var komið frekar langt en svo gekk það ekki upp á endanum. Þessum þremur tilboðum var neitað og það er ekkert sem ég get gert í."
Hann viðurkennir að tilboðin hafi verið spennandi.
„Já algjörlega. Rússneska deildin er stór deild en maður ræður ekki við þetta. Hugurinn leitar auðvitað í stærri deild. Maður þarf bara að einbeita sér að því að spila vel."
Athugasemdir
