AP greinir frá því að aganefnd Serie A hafi ákveðið að refsa ekki stuðningsmönnum Cagliari fyrir að gera apahljóð þegar Romelu Lukaku tók vítaspyrnu gegn liðinu í ítalska boltanum um síðustu helgi.
Apahljóðin úr stúkunni voru augljós og gaf harðkjarna stuðningsmannahópur Inter frá sér yfirlýsingu sem kom stuðningsmönnum Cagilari til varnar. Apahljóðin væru ekki form af rasisma á Ítalíu, heldur aðeins leið fyrir stuðningsmenn til að koma andstæðingnum úr jafnvægi.
Fólk hefur almennt ekki tekið vel í þessi rök stuðningsmannahópsins sem hafa verið gagnrýnd af knattspyrnumönnum, fréttamönnum og knattspyrnusérfræðingum um allan heim.
Ítalska deildin er ekki þekkt fyrir að bregðast harkalega við kynþáttafordómum.
Athugasemdir