Hákon Rafn Valdimarsson stóð á milli stanganna hjá Elfsborg sem vann Malmö, 3-2, í sænsku úrvalsdeildinni í dag.
Hákon var varamarkvörður Elfsborg framan af tímabili en hefur nú spilað fimm deildarleiki í röð.
Hann var í markinu í 3-2 sigrinum á Elfsborg og þá kom Sveinn Aron Guðjohnsen inná sem varamaður á 68. mínútu.
Elfsborg er í 9. sæti með 27 stig.
Valgeir Lunddal Friðriksson var í byrjunarliði Häcken sem gerði 2-2 jafntefli við Degerfors. Hann fór af velli á 66. mínútu en Häcken er á toppnum með 45 stig eftir 21 leik.
Aron Bjarnason lék þá allan leikinn í 1-0 tapi Sirius fyrir Djurgården en Óli Valur Ómarsson kom inná sem varamaður á 82. mínútu. Sirius er í 10. sæti með 25 stig.
Axel Óskar Andrésson og Valgeir Valgeirsson spiluðu báðir allan leikinn fyrir Örebro sem gerði markalaust jafntefli við Norrby í B-deildinni. Örebro er í 9. sæti með 28 stig.
Athugasemdir