Stjarnan tekur þátt í Evrópukeppni unglingaliða.
U19 lið Stjörnunnar mætir UCD AFC frá Írlandi í fyrstu umferð í Evrópukeppni unglingaliða, en dregið var í gær.
Fyrri leikur viðureignarinnar fer fram á Írlandi 18. september og sá seinni á Samsung vellinum 2. október. Sigurvegari viðureignarinnar mætir svo FK Bylis frá Albaníu eða FC 2 Korriku frá Kosovó í næstu umferð.
Fyrri leikur viðureignarinnar fer fram á Írlandi 18. september og sá seinni á Samsung vellinum 2. október. Sigurvegari viðureignarinnar mætir svo FK Bylis frá Albaníu eða FC 2 Korriku frá Kosovó í næstu umferð.
Stjarnan varð Íslandsmeistari í 2. flokki í fyrra og er því fulltrúi Íslands í keppninni.
Það er breytt fyrirkomulag á keppninni í ár og að minnsta kosti eitt lið frá öllum Evrópuþjóðunum taka þátt. Unglingalið liðanna sem taka þátt í Meistaradeildinni taka þátt í 36 liða deild, spila sex leiki og 22 efstu liðin fara í 32-liða úrslitin.
Kjartan Már Kjartansson getur tekið þátt með Stjörnunni í þessari keppni en hann er fæddur árið 2006.
Athugasemdir
