Dagba þykir afar öflugur og byrjaði að spila fyrir aðallið PSG á síðustu leiktíð. Hann spilaði fjóra af fimm fyrstu leikjum tímabilsins en er búinn að vera frá vegna meiðsla síðan í september.

Dagba er 21 árs gamall og hefur spilað 26 leiki fyrir meistaraflokk PSG. Hann á 6 leiki að baki fyrir U21 landslið Frakka sem komu allir í ár.

Dagba er í baráttu við Thomas Meunier um byrjunarliðssæti. Belginn er þó að tapa í þeirri baráttu og hefur verið orðaður við brottför frá frönsku höfuðborginni.

Þá var markvörðurinn Garissone Innocent að framlengja til 2023. Hann er 19 ára gamall.