Gnabry fór á kostum þegar Bayern vann ótrúlegan 7-2 sigur á Tottenham á útivelli. Gnabry skoraði fjögur mörk í leiknum og fór fyrir Þýskalandsmeisturunum.

Gnabry var ungur að árum á mála hjá Arsenal og hann stóðst ekki mátið eftir leikinn til að skjóta á erkifjendur Arsenal í Tottenham. „Norður London er RAUÐ!!!" sagði Gnabry á Twitter og setti mynd af sér fagna mörkunum í rauðum búningi Bayern."

Uppsveifla Gnabry hefur verið mögnuð undanfarin ár en hann fékk ekki spiltíma hjá WBA á láni fyrir fjórum árum.

Þá var Gabriel Martinelli, leikmaður Arsenal, leikmaður vikunnar í Evrópudeildinni. Hann skoraði tvö mörk í 4-0 sigri Arsenal á Standard Liege.