Það eru tveir leikir á dagskrá hjá íslenskum kvennalandsliðum þessa helgi.
Í dag á A-landsliðið æfingaleik við Frakkland og er það upphitunarleikur fyrir leikinn gegn Lettlandi sem fer fram á þriðjudaginn.
Franska landsliðið er meðal þeirra bestu í heimi og ljóst að þetta verður erfiður leikur fyrir Stelpurnar okkar.
Á morgun er keppnisleikur á dagskrá hjá U19 landsliði kvenna. Liðið mætir Kasakstan í undanriðli fyrir EM á næsta ári.
Þetta er aðeins fyrsti undanriðillinn en tvö lið fara áfram og upp í milliriðil. Íslenska liðið á mikla möguleika eftir auðveldan 6-0 sigur gegn Grikklandi í fyrstu umferð.
Síðasti leikurinn í undanriðlinum er á þriðjudaginn. Það verður afar þung þraut gegn frábæru liði Spánverja.
Föstudagur:
19:00 Frakkland - Ísland
Laugardagur:
14:00 Ísland U19 - Kasakstan U19
Athugasemdir