fös 04. október 2019 07:00
Ívan Guðjón Baldursson
Játaði að hafa ráðist að Özil og Kolasinac
Mynd: Getty Images
Þrítugur maður að nafni Ashley Smith er búinn að viðurkenna að hafa veist að Mesut Özil og Sead Kolasinac í tilraun til að ræna þá í júlí.

Atvikið átti sér stað í Hampstead hverfinu í London, 25. júlí, Smith er frá Archway hverfinu sem er skammt frá.

Hann viðurkenndi að hafa reynt að stela úrum leikmannana ásamt vini sínum Jordan Northover, 26 ára.

Það náðist myndband af tilrauninni og naut það mikilla vinsælda á veraldarvefnum. Þar eru ræningjarnir, vopnaðir hnífum og með mótorhjólahjálma, búnir að stöðva bifreið stórstjarnanna. Það er þá sem Kolasinac stekkur úr framsætinu og hrekur árásarmennina í burtu með berum höndum.


Athugasemdir
banner
banner
banner
banner
banner