Toppliðin mæta flest til leiks á morgun og er toppslagur á dagskrá í Freiburg þegar Borussia Dortmund kíkir í heimsókn.

Freiburg er með 13 stig eftir 6 umferðir, tveimur meira en Dortmund.

Topplið FC Bayern fær Hoffenheim í heimsókn á meðan RB Leipzig, sem hefur verið að misstíga sig síðustu vikur, á erfiðan útileik við Bayer Leverkusen.

Schalke og Köln eigast við í síðasta leik laugardagsins og mæta Alfreð Finnbogason og félagar í Augsburg til leiks á sunnudaginn.

Þeir heimsækja sterkt lið Borussia Mönchengladbach og þurfa að ná sér í stig eftir slaka byrjun á tímabilinu. Augsburg er aðeins með 5 stig eftir 6 umferðir.

Wolfsburg á svo leik við Union Berlin áður Eintracht Frankfurt og Werder Bremen eigast við í síðasta leik helgarinnar.

Stöðutöfluna er hægt að sjá hér fyrir neðan. Það vekur athygli að aðeins eitt stig skilur efstu sex liðin að.

Föstudagur:
18:30 Hertha Berlin - Düsseldorf

Laugardagur:
13:30 FC Bayern - Hoffenheim
13:30 Freiburg - Dortmund
13:30 Leverkusen - RB Leipzig
13:30 Paderborn - Mainz
16:30 Schalke - Köln

Sunnudagur:
11:30 Gladbach - Augsburg
13:30 Wolfsburg - Union Berlin
16:00 Frankfurt - Werder Bremen