Natasha veitti liðsfélögum sínur medalíurnar fyrir 2.sæti Lengjudeildarinnar eftir leik
Kvennalið Keflavíkur hafði góða ástæðu til þess að fagna vel að loknum 3-1 sigri liðsins á Gróttu í dag. Liðið hafði þegar tryggt sér sæti í Pepsi Max deildinni að ári en fékk að leik loknum afhent silfurverðlaun fyrir að enda í 2.sæti Lengjudeildarinnar þetta árið.
Lestu um leikinn: Keflavík 3 - 1 Grótta
Heldur var þó brugði út af venjunni hvað varðar verðlaunaafhendinguna að þessu sinni en það kom í hlut Natöshu Anasi fyrirliða Keflavíkur að afhenda liðsfélögum sínum verðlaunapeninganna að leik loknum. Þar eru á ferðinni sóttvarnarráðstafanir vegna Covid-19 en ekki var að sjá að það skyggði á gleði Keflavíkurkvenna nema síður sé.
Lovísa Falsdóttir fréttaritari Fótbolta.net á Nettóvellinum náði þessu skemmtilega myndbandi af fögnuði Keflavíkur sem og verðlaunaafhendingunni að hluta en myndbandið má sjá hér að ofan.
Athugasemdir
