Gylfi hefur aðeins spilað um 20 mínútur síðan hann samdi við Lyngby en hefur misst af síðustu tveimur leikjum vegna bakvandamála. Aron Einar var ekki í síðasta hóp vegna meiðsla og er ekki byrjaður að spila fyrir félagslið sitt, Al-Arabi í Katar.

Hareide segir að staðan á þeim verði skoðuð þegar þeir koma til móts við hópinn en óvíst sé með spiltíma þeirra, hann telji ólíklegt að þeir byrji gegn Lúxemborg en gætu spilað í seinni leiknum gegn Liechtenstein.

   04.10.2023 10:38

Landsliðshópurinn: Gylfi valinn (Staðfest) - Aron í hópnum

Lyftistöng fyrir aðra að Gylfi sé þarna
„Gylfi er líklega einn besti fótboltamaður í sögu Íslands. Ég tel mikilvægt að hafa hann með okkur. Ég vil líka sýna honum inn í okkar áætlanir og hugmyndir, hvernig við viljum spila. Þó hann muni kannski ekki byrja báða leikina þá tel ég að það verði lyftistöng fyrir aðra í hópnum að hann sé þarna," segir Hareide.

„Þeir vildu virkilega koma og hjálpa landsliðinu, það skiptir þá miklu máli. Það er mikilvægt að hafa karaktera eins og þá inni í hópnum. Ég vil að yngri leikmenn læri af þeim, hvernig eigi að vera landsliðsmenn í hæsta klassa."

Hareide segir að Gylfi hafi sagt sér í sumar hversu mikið hann þráði að snúa aftur í landsliðið og hve mikið hann hefði hugsað um það síðustu ár.

Ísland leikur tvo leiki í undankeppni EM á Laugardalsvelli seinna í þessum mánuði, gegn Lúxemborg föstudagskvöldið 13. október og gegn Liechtenstein mánudagskvöldið 16. október. Ísland þarf að vinna þessa báða leiki til að halda í einhverja von um að komast á EM í gegnum riðilinn.

   22.09.2023 22:04

Gylfi Þór vill bæta markamet íslenska landsliðsins