Romelu Lukaku, framherji Inter, hefur byrjað tímabilið af krafti í ítölsku Seríu A. Hann skoraði tvö mörk um helgina og tryggði Inter mikilvægan sigur gegn Bologna.
Lukaku var seldur til Inter frá Manchester United í sumar á 73 milljónir punda. Athygli vakti að United keypti engan framherja í hans stað og hefur liðið átt í miklum vandræðum með markaskorun á þessu tímabili.
Ef talið er frá september þá hefur Lukaku skorað átta deildarmörk í tíu leikjum hjá Inter. Hins vegar hefur allt United liðið einungis skorað sex mörk í sjö deildarleikjum á þessum tíma. Athyglisvert í meira lagi.
League goals since the beginning of September: Romelu Lukaku 8 - 6 Manchester United
— Daniel Storey (@danielstorey85) November 2, 2019
Athugasemdir