Fáir bjuggust við því að Lundstram væri einn af aðalmönnunum í liði Sheffield United sem situr í 6. sæti úrvalsdeildarinnar sem nýliði.

„Ég hef lent í erfiðleikum en þetta hefur verið ferðalag sem ég myndi aldrei vilja breyta. Ég er á toppi ferilsins núna og vonandi get ég verið hér áfram."

„Í fyrra var ég ekki í myndinni en nú hafa hlutirnir breyst. Ég vann vel í mínum málum og það hefur skilað til baka."

Chris Wilder, stjóri Sheffield United, er ánægður með sinn mann. Hann segist alltaf hafa vitað af honum í hópnum en í fyrra hafi hann einungis notast við Oliver Norwood og John Fleck sem sitjandi miðjumenn.

Við þetta má bæta að Lundstram er vinsæll 'Fantasy leikmaður' en þar er hann skráður sem varnarmaður. Í vetur hefur hann einungis verið notaður framar á vellinum.