Nacho GIl fagnar marki.
Spænski miðjumaðurinn Nacho Gil er væntanlega á förum frá Þór en þetta staðfesti hann í samtali við Fótbolta.net í dag.
Nacho er samningslaus og ólíklegt er að Þór geri nýjan samning við hann.
Nacho er samningslaus og ólíklegt er að Þór geri nýjan samning við hann.
„Ég myndi ekki segja að það sé 100% að ég verði ekki áfram hjá Þór en þeir hafa ekki sýnt of mikinn áhuga á að semja við mig," sagði Nacho.
Hinn 25 ára gamli Nacho hefur spilað með Þór undanfarin tvö tímabil í Inkasso-deildinni.
Í sumar skoraði hann þrjú mörk í fimmtán leikjum í Inkasso-deildinni en meiðsli settu strik í reikninginn hjá honum. Í fyrra skoraði hann sex mörk í 21 leik með liðinu.
Spænski framherjinn Alvaro Montejo Calleja hefur einnig leikið með Þór undanfarin tvö ár en hann hefur framlengt samning sinn og verður áfram hjá félaginu næsta sumar.
Þá er það staðfest! Alvaro er búinn að skrifa undir framlengingu á samningi sínum og verður því í Þórsbúningi á næsta tímabili! pic.twitter.com/Fac6mg0oNB
— Þór fótbolti (@Thor_fotbolti) November 4, 2019
Athugasemdir
