Louis Van Gaal reyndi mikið að fá Muller til United árið 2015 en það gekk ekki eftir. Schweinsteiger fór til United fyrr um sumarið það ár og segir hann að Gaal hafi oft spurt hann út í Muller. Bastian segir að það væri gott fyrir Muller að fara til Man Utd.

„Van Gaal vildi mikið fá Muller til liðsins. Hann spurði mig alltaf: 'Hvað er Muller vinur þinn að gera?'. Hann hefði komið sér vel fyrir okkur á þeim tíma," segir Schweinsteiger.

„En Thomas var yngri þá. Hann vildi ekki yfirgefa Munchen, kannski hefur það breyst núna. Hann er í öðruvísi stöðu núna heldur en ég var þegar ég gekk til liðs við United. Ég var að spila alla leiki hjá Bayern, mig langaði bara að prófa eitthvað nýtt. Thomas er mikið á bekknum, smá breyting fyrir hann væri gott fyrir restina á ferlinum."

Bayern töpuðu 5-1 fyrir Frankfurt um helgina og í kjölfarið fékk Kovac að taka pokann sinn.