Nokkrir leikmenn Brescia létu dómarann vita að þeir hefðu orðið varir við kynþáttafordóma og þá stöðvaði dómari leiksins, Maurizio Mariani, leikinn tímabundið.

„Mario er góður strákur. Hann heyrði eitthvað úr stúkunni og strákarnir í liðinu gerðu vel í að stappa í hann stálinu," sagði Corini.

„Leikurinn hélt svo áfram og Balotelli spilaði vel, þrátt fyrir að vera í slæmu andlegu jafnvægi. Dómarinn gerði líka vel í því að stöðva leikinn tímabundið. Eftir þetta atvik varð leikurinn erfiðari fyrir vikið og við spiluðum í undanlegri stemningu."

Þjálfari Verona, Ivan Juric, vildi hins vegar meina að Balotelli væri að gera úlfalda úr mýflugu.