England: Origi kom Liverpool til bjargar - Fyrsti sigur Newcastle

Á Molineux vellinum í Wolves áttust við heimamenn og Liverpool. Leikurinn var fjörugur þrátt fyrir að mörkin hafi vantað framan af.

Wolves var mjög baráttuglatt í þessum leik og átti í fullu tréi við Liverpool. Liverpool fékk nokkur ágætis færi í fyrri hálfleik en þrátt fyrir það átti liðið ekki eitt einasta skot á markið í fyrri hálfleiknum.

Liverpool stjórnaði leiknum í síðari hálfleiknum en heimamenn voru öflugir í skyndisóknum með Adama Traore fremstan í flokki. Í þau skipti sem Wolves komst í færi þá var oftar en ekki flögguð rangstaða en gestirnir héldu hárri línu.

Diogo Jota, fyrrum leikmaður Wolves, fékk lang besta færi leiksins og það var sankallað dauðafæri. Eftir að Jose Sa, markvörður Wolves, fór í skógarferð þá komst Jota einn í gegn á móti tveimur varnarmönnum Wolves sem fóru á línuna. Jota þurfti einungis að leggja boltann í netið en hann skaut í Connor Coady sem bjargaði á marklínunni.

Sadio Mane fékk dauðafæri undir loks leiks en Jose Sa varði frábærlega frá honum í horn. Liverpool reyndi hvað það gat til að skora og það tókst á 94. mínútu leiksins. Divock Origi kom þá liðinu til bjargar en hann skoraði eftir undirbúning frá Mohamed Salah.

Frábær sigur hjá Liverpool sem fer í efsta sæti deildarinnar, tímabundið hið minnsta.

Newcastle vann sinn fyrsta sigur í deildinni en liðið lagði Burnley af velli á heimavelli. Callum Wilson skoraði þá en Nick Pope, markvörður gestanna, hafði misst boltann út í teiginn. Wilson kláraði færið mjög vel.

Þá gerðu Southampton og Brighton 1-1 jafntefli en Brighton jafnaði leikinn seint í uppbótartímanum. Neil Maupey jafnaði á áttundu mínútu uppbótartímanns. Hann fagnaði markinu með að sussa á stuðningsmenn Southampton.

Wolves 0-0 Liverpool
0-1 Divock Origi ('90)

Newcastle 1 - 0 Burnley
1-0 Callum Wilson ('40 )

Southampton 1 - 1 Brighton
1-0 Armando Broja ('29 )
1-1 Neil Maupey ('90)