Messi tilbúinn í að ná markmiðunum með PSG
Mynd: EPA
Mynd: EPA
Lionel Messi er mættur aftur í herbúðir PSG eftir að hafa fengið gott frí eftir að hafa hampað heimsmeistaratitlinum á HM í Katar í desember.
Messi deildi mynd á Instagram af sér á æfingasvæði PSG með verðlaunagrip af HM og sendi skilaboð til stuðningsmanna félagsins.
Þar segir hann að félagið sé klárt í slaginn fyrir seinni hluta tímabilsins og ætli sér að ná markmiðunum.
Liðið er með fjögurra stiga forskot á toppi frönsku deildarinnar en undanfarin ár hefur sú keppni nánast verið formsatriði og liðið sett allt púður í Meistaradeildina.
Það hefur hins vegar ekki gengið sem skildi. Liðið mætir Bayern Munchen í 16 liða úrslitunum en fyrri leikur liðanna fer fram þann 14 febrúar í París og 8. mars í Þýskalandi.
Leo Messi on Instagram: ???????????? pic.twitter.com/hiNm0nbp17
— PSG Report (@PSG_Report) January 4, 2023
