Bragðarefurinn Tuchel búinn að snúa gengi Chelsea við

Thomas Tuchel

Mynd: Getty Images

Thomas Tuchel

Mynd: Getty Images

<i>„Það er frábært hvernig Tuchel hefur komið inn í þetta. Liðið hefur fengið tvö mörk á sig í tíu leikjum, unnið átta og gert tvö jafntefli. Þetta er fáránlega vel gert hjá honum,"</I> sagði Jóhann Már Helgason, stuðningsmaður Chelsea, í hlaðvarpsþættinum „Enski boltinn" á Fótbolta.net í dag.

Chelsea hefur klifrað upp töfluna undanfarnar vikur eftir að Tuchel tók við stjórnartaumunum af Frank Lampard í janúar. Í gær náði Chelsea að vinna Liverpool 1-0 á útivelli.

„Mér fannst leikurinn í gær frábærlega vel upplagður. Hann lokkaði Liverpool eins framarlega og hann gat í pressuna. Hann lét leikmenn eins og Christiansen, Azpilicueta og Rudiger fá mikla ábyrgð í að halda boltanum aftast. Þegar mómentið kom létu þeir vaða fram þar sem Werner, Mount og Ziyech voru beittir fram á við og áttu sín augnablik. Fyrir mér var þetta 10 af 10 hjá Tuchel."

„Tuchel er mikill bragðarefur í taktík og þessi strúktur sem hann hefur búið til í kringum liðið varnarlega er að gera gæfumuninn fyrir mína menn þessa dagana."

Orri Freyr Rúnarsson sagði: „Ég held að Chelsea hafi dottið í lukkupottinn með því að fá Tuchel og ég held að hann sé betri þjálfari en Lampard að öllu leyti. Hann er meðal þeirra allra fremstu í heiminum. Ef hann heldur vel á spilunum og fær réttu leikmennina þá kæmi mér ekki á óvart ef Chelsea verður í titilbaráttu á næsta tímabili."

Hér að neðan má hlusta á þátt dagsins. Það eru Frumherji, White Fox, Viking gylltur (léttöl) og Domino's sem bjóða upp á þáttinn.

<b>Enski boltinn</b> - Mögnuð Meistaradeildarbarátta

Premier league - karlar

#	Lið	L	mun	Stig
1	Man City	5	+8	15
2	Arsenal	6	+5	15
3	Brighton	6	+13	13
4	Brentford	6	+6	10
5	Chelsea	6	+2	10
6	Leeds	6	+3	9
7	Liverpool	5	+3	9
8	Everton	5	+3	9
9	Ipswich Town	6	-3	9
10	Hull City	5	+2	8
11	Newcastle	5	0	8
12	Man Utd	6	0	6
13	Nott. Forest	5	-1	5
14	Aston Villa	6	-5	5
15	Crystal Palace	5	-5	4
16	Sunderland	6	-6	4
17	Bournemouth	6	-6	3
18	Tottenham	6	-6	3
19	Coventry	5	-9	3
20	Fulham	6	-4	2