Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   þri 05. maí 2020 10:43
Magnús Már Einarsson
Materazzi: Sagðist vilja systur Zidane frekar en treyjuna
Marco Materazzi.
Marco Materazzi.
Mynd: Getty Images
Marco Materazzi, fyrrum varnarmaður ítalska landsliðsins, hefur tjáð sig um það hvað hann sagði við Zinedine Zidane í úrslitaleik HM árið 2006.

Zidane missti stjórn á skapi sínu og skallaði Materazzi og fékk rauða spjaldið. Um var að ræða kveðjuleik Zidane. Atvikið átti sér stað í framlengingu en Ítalía vann síðan í vítaspyrnukeppni.

„Skallinn frá Zidane. Ég bjóst ekki við þessu á þessu augnabliki. Ég er heppinn að þetta kom mér í opna skjöldu því ef ég hefði búist við þessi og verið tilbúinn þá er ég viss um að við hefðum báðir verið reknir út af," sagði Materazzi.

„Það var smá snerting á milli okkar í teignum (fyrir atvikið). hann hafði skorað mark Frakka í fyrri hálfleik og þjálfarinn sagði mér að dekka hann."

„Eftir fyrstu stimpingarnar hjá okkur bað ég hann afsökunar en hann brást illa við. Eftir þriðja atvikið var ég reiður og hann sagði, 'ég læt þig fá treyjuna mína seinna.' Ég svaraði að ég myndi frekar vilja fá systur hans heldur en treyjuna."



Athugasemdir
banner
banner
banner
banner