Haaland, Toney, Gomes, Diomande, Gyokeres, Southgate, O'Neil, De Zerbi og fleiri góðir í slúðri dagsins
   þri 05. maí 2020 06:00
Ívan Guðjón Baldursson
Sampdoria kvartar til FIFA útaf sölu Bruno Fernandes
Mynd: Getty Images
Portúgalski miðjumaðurinn Bruno Fernandes, sem hefur farið gríðarlega vel af stað hjá Manchester United, lék fyrir Sampdoria í eitt ár áður en hann var seldur til Sporting sumarið 2017.

Sporting greiddi tæpar 10 milljónir evra fyrir Fernandes en í kaupsamningnum var 10% söluákvæði.

Sampdoria telur sig því eiga 4,6 milljónir inni hjá Sporting, enda var Fernandes seldur áfram til Man Utd fyrir 46 milljónir. Í þeim samning eru árangurstengdar bónusgreiðslur og getur heildarupphæðin farið upp í 80 milljónir.

Sporting telur sig ekki þurfa að greiða þessi 10% til Sampdoria og er röksemdafærsla portúgalska félagsins furðuleg, samkvæmt frétt Il Secolo XIX. Þar segir að Sporting telji sig ekki skulda Samp pening vegna þess að Fernandes skrifaði undir nýjan samning við félagið ári eftir að hafa skipt yfir. Á einhvern hátt telur Sporting að það ógildi samkomulagið við Sampdoria.

Samp er búið að senda kvörtun til FIFA og ætlar að fara lengra með málið.
Athugasemdir
banner
banner
banner
banner