Evrópumót landsliða, EM alls staðar, fer af stað næsta föstudag. Fram kom í útvarpsþættinum Fótbolti.net í dag að Ólafur Kristjánsson og Freyr Alexandersson verða aðal sérfræðingarnir í umfjölluninni á Stöð 2 Sport yfir mótið.
Ólafur og Freyr eru tveir af fremstu þjálfurum Íslands en þeir eru báðir án starfs. Ólafur stýrði Esbjerg í Danmörku og Freyr var aðstoðarmaður Heimis Hallgrímssonar hjá Al Arabi í Katar.
Það verða Guðmundur Benediktsson og Helena Ólafsdóttir sem stýra umfjölluninni á Stöð 2 Sport þar sem allir leikir keppnirnar verða í beinni.
Freyr var gestur í útvarpsþættinum þar sem meðal annars var rætt um komandi mót. Hlustaðu á þáttinn í spilaranum hér að neðan eða í gegnum hlaðvarpsveitur.
Athugasemdir