Þýskaland: Stuttgart verðskuldar sæti í efstu deild

Stuttgart er búið að tryggja sæti sitt í efstu deild þýska boltans eftir að hafa tekið Hamburger SV í kennslustund bæði á heima- og útivelli.

Stuttgart vann heimaleikinn 3-0 en lenti svo undir snemma leiks þegar komið var á útivöllinn í Hamborg. Sonny Kittel skoraði á sjöttu mínútu til að koma HSV yfir og komu gestirnir frá Stuttgart boltanum í netið skömmu síðar en ekki dæmt mark vegna rangstöðu.

HSV fékk fínar sóknir til að tvöfalda forystuna en boltinn rataði ekki í netið og kom gæðamunur liðanna í ljós í síðari hálfleik. Enzo Millot lét þá til skarar skríða og skoraði tvö mörk fyrir Stuttgart til að innsigla sigur í viðureigninni.

Silas skoraði síðasta mark úrslitaleiksins um sæti í efstu deild á 97. mínútu og samanlagðar lokatölur því 6-1 fyrir Stuttgart.