Marcelo snýr aftur í byrjunarlið Brasilíu þegar leikið verður gegn Belgíu klukkan 18:00 á morgun föstudag. Þessi bakvörður Real Madrid hefur verið að glíma við bakmeiðsli, fór meiddur af velli gegn Serbíu og spilaði ekki gegn Mexíkó í 16-liða úrslitum.
Talað var um að Marcelo hefði sofið á slæmri dýnu á liðshóteli Brasilíu!
8-liða úrslit HM fara af stað á morgun en Tite, þjálfari Brasilíu, opinberaði byrjunarlið Brasilíu á fréttamannafundi í Kazan í dag. Marcelo kemur inn í stað Felipe Luis.
„Ég talaði við Marcelo og Filipe Luis. Marcelo snýr aftur í liðið en Filipe Luis hefur þó spilað mjög vel í hans fjarveru," sagði Tite.
Talað var um að Marcelo hefði sofið á slæmri dýnu á liðshóteli Brasilíu!
8-liða úrslit HM fara af stað á morgun en Tite, þjálfari Brasilíu, opinberaði byrjunarlið Brasilíu á fréttamannafundi í Kazan í dag. Marcelo kemur inn í stað Felipe Luis.
„Ég talaði við Marcelo og Filipe Luis. Marcelo snýr aftur í liðið en Filipe Luis hefur þó spilað mjög vel í hans fjarveru," sagði Tite.
Staðfest byrjunarlið Brasilíu: Alisson, Fagner, Thiago Silva, Miranda, Marcelo, Fernandinho, Paulinho, Coutinho, Willian, Neymar, Jesus.
Þá kemur Fernandinho einnig inn í liðið. Þessi miðjumaður Manchester City hefur ekki byrjað leik á mótinu en kemur inn í stað Casemiro sem tekur út leikbann. Liðsfélagi Fernandinho, Gabriel Jesus, byrjar einnig þó hann hafi ekki skorað á mótinu.
Varnarmaðurinn Miranda hjá Inter sat fyrir svörum með Tite á fréttamannafundinum en hann verður með fyrirliðabandið í leiknum. Hann var spurður út í komandi baráttu við Romelu Lukaku.
„Ég reikna með erfiðum leik gegn Belgíu. Belgía er ekki bara Lukaku. Þetta er mjög sterkt sóknarlið og með marga hæfileikaríka leikmenn," sagði Miranda.
Athugasemdir