Talið er að hinn sjóðheiti Edinson Cavani muni missa af leiknum vegna kálfameiðsla sem hann hlaut í sigrinum gegn Portúgal.

Fjölmiðlar í Úrúgvæ reikna með því að Christian Stuani, fyrrum framherji Middlesbrough, muni byrja í hans stað. Stuani er nú hjá Girona á Spáni.

Hjá Frökkum tekur Blaise Matuidi miðjumaður út leikbann. Talið er líklegast að Corentin Tolisso spili í hans stað en Tolisso byrjaði fyrsta leik Frakka á HM, gegn Ástralíu.

Frakkland og Úrúgvæ hafa þrisvar mæst á HM, en þetta verður þó í fyrsta sinn sem þjóðirnar etja kappi í útsláttarkeppninni.

Sjá einnig:
Þessir verða í banni í undanúrslitum ef þeir fá gult í 8-liða