Brynjólfur Darri Willumsson.
Sænskt félag hefur gert tilboð í Brynjólf Darra Willumsson, 18 ára sóknarleikmann Breiðabliks, samkvæmt heimildum Fótbolta.net.
Brynjólfur hefur spilað sjö leiki með Blikum í Pepsi Max-deildinni í sumar en hann byrjaði að fá tækifæri með meistaraflokki í fyrra.
Faðir hans er Willum Þór Þórsson og bróðir hans er Willum Þór Willumsson, atvinnumaður í BATE í Hvíta-Rússlandi.
Brynjólfur hefur spilað sjö leiki með Blikum í Pepsi Max-deildinni í sumar en hann byrjaði að fá tækifæri með meistaraflokki í fyrra.
Faðir hans er Willum Þór Þórsson og bróðir hans er Willum Þór Willumsson, atvinnumaður í BATE í Hvíta-Rússlandi.
Mikill áhugi er á leikmönnum Blika erlendis frá en Aron Bjarnason er nú staddur í Búdapest í viðræðum við Újpest sem endaði í fimmta sæti ungversku deildarinnar í fyrra.
Þá hefur Östersund í Svíþjóð sýnt Kolbeini Þórðarsyni áhuga.
Breiðablik er í öðru sæti Pepsi Max-deildarinnar en liðið mætir HK í Kópavogsslag á sunnudaginn.
Athugasemdir
